5:50 AM 12OCT2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Ang Bagyo (Typhoon) nga adunay international name “HAGIBIS”, GAWAS sa PAR, anaa sa gilay-ong 1,895 km Amihanang-sidlakan (Northeast) nga bahin sa Extreme Northern Luzon, ganihang 3:00 sa buntag. Ang Bagyo GAMAY ang tsansa nga mo-sulod sa PAR ug wala nay direktang epekto sa nasud.
Ang tibuok Mindanao apektado sa Northwesterly and Southwesterly Winds Convergence ug tungod niini maka-sinati sa mapanganuron nga kalangitan inubanan sa mga katag-katag nga pag ulan. Samtang ang Northeasterly Surface Windflow dili direktang maka-apekto sa Mindanao.
Hinay (light) ngadto sa kasarangan (moderate) nga hangin nga magagikan sa Amihanang-kasadpan (Northwest) ngadto sa Habagatang-kasadpan (Southwest) maoy mo-resulta sa 0.6 – 2.1 meters nga balud sa kadagatan sa tibuok Mindanao.
Nagpabiling mapanganuron sa Cagayan de Oro karong orasa.
Mapanganuron ang ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Samtang nagpabiling mapanganuron usab ang ubang parti sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
