6:20 AM 13JULY2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR) apan adunay gibantayang LPA gawas sa PAR. Kini adunay gilay-ong 1,380 km Sidlakan (East) nga bahin sa Mindanao ganihang 3:00 sa buntag.
Ang tibouk Mindanao nagpabiling apektado sa Trough o extension sa LPA ug tungod niini maka-sinati sa madag-umon nga kalangitan inubanan sa katag katag nga pag ulan.
Hinay (light) ngadto sa kasarangan (moderate) nga hangin gikan Habagatang-kasadpan (Southwest) ngadto sa Habagatan (South) nga maoy mo-resulta sa 0.6 – 2.1 meters nga balud sa kadagatan sa Northern Mindanao.
Mapanganuron sa Cagayan de Oro karong orasa.
Madag-umon ang ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Madag-umon usab ang ubang parti sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
