5:15 AM 2SEP2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa gibantayang Bagyo (Tropical Depression) “LIWAYWAY” adunay gilay-ong 460 km Sidlakan (East) nga bahin sa Daet, Camarines Norte o 325 Sidlakan Amihanang-sidlakan (East Northeast) nga bahin sa Virac, Catanduanes; kakusgong 55 kph ug paglihok nga 25 kph Amihanan Amihanang-Kasadpan (North Northwest) ganihang 3:00 sa buntag. Ang Bagyo GAMAY ang posibilidad nga mo-landfall sa nasud.
Ang Northern Mindanao apektado sa Bagyo ug tungod niini maka-sinati sa madag-umon nga kalangitan inubanan sa katag katag nga pag ulan. Ang Habagat (Southwest Monsoon) dili direktang maka-apekto sa Mindanao.
Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) maoy mo-resulta sa 0.6 – 2.5 meters nga balud sa kadagatan sa Northern Mindanao.
Nagpabiling mapanganuron ang Cagayan de Oro karong orasa.
Nagpabiling mapanganuron sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Nagpabiling mapanganuron usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
