5:20 AM 12NOV2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang Low Pressure Area (LPA) sulod sa Philippine Area of Responsibility (PAR). Kini anaa sa gilay-ong 910 km Sidlakan (East) nga bahin sa Virac, Catanduanes ganihang 3:00 sa buntag. Ang LPA DAKO ang posibilidad nga mahimong Bagyo sulod sa 48 ka oras.
Ang Northern Mindanao apektado sa LPA ug tungod niini maka-sinati sa mapanganuron nga kalangitan inubanan sa katag-katag nga pag ulan, kilat ug pagpanalugdog. Samtang ang Amihan (Northeast Monsoon) dili direktang maka-apekto sa Mindanao.
Hinay ngadto sa kasarangan nga hangin gikan sa Amihanang-sidlakan (Northeast) ngadto sa Amihanang-kasadpan (Northwest) maoy mo-resulta sa 0.6 – 2.1 meters nga balud sa kadagatan sa Northern Mindanao.
Ang Misamis Oriental; Lanao de Norte; ug Misamis Occidental naka-sinati sa kasarangan (moderate) ngadto sa kusog (heavy) nga pag ulan inubanan sa kilat ug kusog nga hangin epekto sa thunderstorms sulod sa 1-2 ka oras basi sa pahimangno sa PAGASA ganihang 5:00 sa buntag.
Madag-umon sa Cagayan de Oro karong orasa.
Madag-umon sa Libona; Mampayag, Dahilayan ug Lindaban, Manolo Fortich. (Kining mga lugara maao ang tinubdan sa tubig nga makapabaha sa Lapasan paingon sa Bugo).
Madag-umon usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
