5:35 PM 05OCT18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA alas 4:00 kagahapon sa hapon, walay bagyo o Low Pressure Area (LPA) sulod sa Philippine Area of Responsibility (PAR).
Ang sentro sa Bagyong (STS) “KONG-REY” (kanhing “QUEENIE”) anaa na sa 1,095 Km Amihan Amihanang-sidlakan (North Northeast) bahin sa Basco, Batanes GAWAS sa PAR.
Kini adunay kakusgong 105 kph ug paglihok nga 25 kph Amihanan (North) alas 3:00 kagahapon sa hapon.
Ang Northern Mindanao dili apektado sa Trough sa Bagyong (STS “KONG-REY”) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) ngadto sa Habagatan (South) maoy mo-resulta sa 0.6 – 2.1 meters nga balud sa kadagatan sa Northern Mindanao.
2:55 AM 06OCT18
Samtang, matud sa cdrrmd nga basi usab sa pahimangno sa PAGASA ganihang 2:25 sa buntag, gi-wala na ang tanang Thunderstorm Advisories sa tibuok Mindanao.
Walay pag ulan sa Cagayan de Oro karong orasa.
Walay natala nga pag ulan sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon karong orasa.
(Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
