5:45 AM 26JUNE19
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa Bagyong (Tropical Depression “DODONG”) adunay gilay-ong 700 km Sidlakan (East) nga bahin sa Calayan, Cagayan; kakusgong 45 kph ug paglihok nga 10 kph Amihanang-sidlakan (Northeast) ganihang 3:00 sa buntag. Ang Bagyong TD “DODONG” GAMAY ang posibilidad nga mo-landfall ug walay direktang epekto sa nasud.
Ang Northern Mindanao dili direktang apektado sa TD “DODONG” ug Habagat apan maka-sinati sa panalagsang pagdag-um ngadto na sa mapanganuron nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Habagatan (South) ngadto sa Habagatang-kasadpan (Southwest) maoy mo-resulta sa 0.6 – 2.1 meters nga balud sa kadagatan sa Northern Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
