5:20 AM 29MAR2021
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Ang Northern Mindanao dili direktang apektado sa Trough o extension sa LPA apan makasinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa Easterlies.
Ang Easterlies mao ang init nga hangin nga naga-gikan sa Pacific Ocean nga gadala ug panganud nga posibling makapa-ulan sa mga lugar nga apektado niini.
Samtang ang gibantayang LPA gawas sa PAR anaa na sa gilay-ong 560 km Sidlakan Habagatang-sidlakan (East Souteast) nga bahin sa Mindanao. Ang LPA GAMAY ang tsansa nga mahimong bagyo ug GAMAY usab ang posibilidad nga mo-sulod sa PAR.
Hinay (light) ngadto sa kasarangan (moderate) nga hangin gikan sa Sidlakan (East) ngadto sa Amihanang-sidlakan (Northeast) maoy mo-resulta sa 0.6 – 2.5 meters nga balud sa kadagatan sa tibuok Mindanao.
Mapanganuron sa Cagayan de Oro karong orasa.
Mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Mapanganuron usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
