5:40 AM 21JULY2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang Low Pressure Area (LPA) sulod sa Philippine Area of Responsibility (PAR) nga anaa usab sulod sa Intertropical Convergence Zone (ITCZ). Kini anaa na sa gilay-ong 80 km Sidlakan Habagatang-sidlakan (East Southeast) nga bahin sa Guiuan, Eastern Samar ganihang 3:00 sa buntag. Ang LPA gamay ang tsansa nga mahimong bagyo ug posibling malusaw sulod sa pipila ka oras.
Ang Northern Mindanao nagpabiling apektado sa Intertropical Convergence Zone (ITCZ) ug tungod niini maka-sinati sa madag-um nga kalangitan inubanan sa katag-katag nga pag ulan.
Ang ITCZ mao ang pagtabo sa hangin gikan sa Northern ug Southern Hemispheres duol sa equator. Kini nga pagtabo moresulta sa mga baga nga panganod nga gadala ug pag ulan.
Hinay (light) ngadto sa kasarangan (moderate) nga hangin gikan sa Habagatang-sidlakan (Southeast) ngadto sa nagkalain-lain nga direksyon nga maoy mo-resulta sa hangtud 1 meter nga balud sa kadagatan sa tibuok Mindanao.
Gi-wala na ang tanang Thunderstorm Advisories sa tibuok Mindanao, basi sa pahimangno sa PAGASA ganihang 2:40 sa buntag.
Nagpabiling mapanganuron ang Cagayan de Oro karong orasa.
Mapanganuron ang ubang parti sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Mapanganuron usab ang ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor
