5:20 AM 11OCT2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Ang gibantayang Bagyo (Typhoon) nga adunay international name “HAGIBIS” gawas sa PAR anaa na sa gilay-ong 1,800 km Sidlakan Amihanang-sidlakan (East Northeast) nga bahin sa Extreme Northern Luzon; kakusgong 175 kph ug paglihok nga 20 kph Amihanan Amihanang-kasadpan (North Northwest) ganihang 3:00 sa buntag. Ang bagyo GAMAY ang tsansa nga mo-sulod sa PAR.
Ang Northern Mindanao nagpabiling apektado sa Trough o Extension sa Bagyo nga anaa gawas sa PAR diin maka-sinati sa mapanganuron nga kalangitan inubanan sa katag-katag nga pag ulan. Samtang ang Northeasterly surface windflow dili direktang maka-apekto sa Northern Mindanao.
Hinay (light) ngadto sa kasarangan (moderate) nga hangin nga magagikan sa Amihanang-kasadpan (Northwest) ngadto sa Kasadpan (west) maoy mo-resulta sa 0.6 – 2.1 meters nga balud sa kadagatan sa tibuok Mindanao.
Nagpabiling mapanganuron sa Cagayan de Oro karong orasa.
Mapanganuron ang ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Mapanganuron usab ang ubang parti sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
