*Roxas City, Capiz – Liwat nga ginpamatud-an sang Western Visayas *Private Schools Athletic Association (WVPRISAA) ang pagdomina matapos nga nangin overall champion sa nagtapos nga 63rd *PRISAA National Games nga ginpatigayon sa syudad sang Davao sang nakaligad nga *Mayo 19 tubtob 25 sini nga tuig.
Nakakuha ang WVPRISAA sang kabug-osan nga 212 ka gold medals; 146 ka silver medals kag 97 ka bronze medals.
Nagpangaduha ang Region 7 ukon ang Central Visayas nga may yara sang 139 ka gold medals; 128 ka silver medals kag 80 ka bronze medals.
Nagpangatlo ang Region XI ukon ang Davao Region nga nakakuha gid lamang sang 70 ka gold medals; 104 ka silver medals kag 112 ka bronze medals.
Nahibaluan nga ang nasambitan nga week long competition nga may yara sang masobra 18 ka olympic sports ang ginpasakopan sang kapin sa 10, 000 ka mga delegates halin sa 500 ka mga private universities and colleges sa 17 ka rehiyon diri sa pungsod Pilipinas.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
