WHO solidarity trial sa ilang baragay sa Metro Manila, Cordillera at Davao, sisimulan na sa unang kwarter ng 2021

64

Tinukoy na ng Vaccine Expert Panel (VEP) ang mga lugar sa bansa kung saan isasagawa ang Solidarity Trial ng World Health Organization (WHO) para sa COVID-19 vaccines.

Ayon kay Department of Science and Technology (DOST)-VEP Head Dr. Nina Gloriani, posibleng sa Enero ng 2021 mag-umpisa ang nasabing trials sa ilang barangay na nakitaan ng higit 1% attack rate.


Aniya, sa nakalipas na apat hanggang anim na linggo kasi ay nakapagtala pa rin ng COVID-19 cases ang naturang mga lugar, kabilang ang:

*National Capital Region:
Manila – Brgy. 94, 395, 666, 667, 668, 697, 689, 699
Pasay – Brgy. 36, 74, 76, 150
Taguig – Brgy. Fort Bonifacio

*Cordillera Administrative Region:
Itogon – Brgy. Virac, Poblacion Central
Tuba – Brgy. Camp 3
Baguio City – Brgy. Legarda, Burnham, Aurora Hill, Sta. Escolastica, City Camp Proper

*Davao – Brgy. Agdao, 27C, 32D, 12B




Bukod sa trial sites sa komunidad, 14 na pampubliko at pribadong ospital din ang kasali sa gagawing pag-aaral, kabilang dito ang:

-Philippine General Hospital
-Research Institute for Tropical Medicine
-Manila Doctor’s Hospital
-San Lazaro Hospital
-St. Lukes Medical Center – Quezon City
-St. Lukes Medical Center – BGC
-Lung Center of the Philppines
-The Medical City
-Makati Medical Center
-De La Salle Medical Center – Cavite
-Southern Philippines Medical Center – Davao City
-Baguio General Hospital and Medical Center
-Western Visayas Medical Center – Iloilo City

Sinabi pa ni Dr. Gloriani na maaari pang magbago ang listahan ng community trial sites dahil naka-depende sa maitatalang kaso ng mga nabanggit na lugar ang posibilidad na masali sila sa eskperimento.

Nilinaw rin nito na iba mula sa independent trials ng ibang bakuna na nag-apply na makapagsagawa ng kanilang Phase III trials sa Pilipinas ang pag-aaral na gagawin ng WHO.

Facebook Comments