Davao City – Daku na og kalahian ang estado karon sa kababayen-an kung itandi kaniadto tungod kay gisuportahan na sila karon ang ilang mga katungod.
Sumala ni Brgy. 37-D Trading Boulevard Barangay Captain Rebecca Diong, sa iyang barangay iyang gisuportahan ang mga aktibidades sa mga kababayen-an ilabi na sa mga katungod dili sama kaniadto nga gipasagdan.
Giingon pa ni Diong, ang kababayen-an karon aduna nay tingog ug dili na madaug-daug tungod sa mga katungod nga gitugyan kanila sa gobyerno.
Usa sa nakitang kritikal nga hagit ni Diong sa kababayen-an karon mao ang dili sama kaniadto nga walay katungod ug dili ginarespeto ang ilang tingog apan karon lahi na gumikan pantay na ang lalaki ug babaye.
Hinoon gipasabot ni Diong nga dili dakong isyu ang divorce bill alang kaniya tungod pabor siya niini aron makaminyo pag-usab ang babaye nga nakigbulag na sa iyang bana.
RadyoMaN Bernard Pantallon
