Davao City – Gikumpirma sa Maco Municipal Police Station (MPS) nga usa ka pastor ug magtutudlo ang nadakpan tungod sa kasong lugos pinaagi sa search warrant.
Sa interbyu sa DXDC RMN Davao sa Maco MPS, giila ang suspek nga si alyas Pastor Jhan, 34 anyos, residente sa Barangay Binuangan, Maco, Davao de Oro nga gikonsiderang most wanted person.
Ang dinakpan usa ka magtutudlo sa Libaylibay National High School sa Maco ug pastor/owner sa New Creation Faith Tabernacle Church sa maong lugar.
“Pastor, at the same time teacher pud sya sa high school. Unya kaning bata (biktima), nag-eskwela diri sa Poblacion kay working student man na niya. Nagatrabaho dinha sa ilang simbahan,” sulti sa pulis.
Mag-atubang ang dinakpan og 5 counts sa rape ug 4 counts sa Lascivious Conduct ilawom sa Sec. 5 (B) sa Republic Act 7610, diin kini gibalhog na sa Maco MPS.
RadyoMaN Kirby Manzon
Facebook Comments
