Nangin madinalag-on ang world record attempt ni Mr. Jess Caigoy alyas master of pain kahapon sa Robinson’s Place Pavia.
Nagpahayag sang kalipay si Caigoy nga sa pihak sang kabudlay nga iya nabatyagan apang nalampas niya ang apat ka oras nga hand release push-up alternate with air squat.
Nahibaluan nga nag-umpisa si Caigoy mga ala una sang hapon kag natapos mga alas 5 sang hapon kon sa diin nakatigayon siya sang kabug-usan nga 1,630 ka push ups kag 1, 650 ka air squat.
Suno kay Caigoy nga indi siya makapati nga na-achieve niya ang nasambit nga world record attempt bangud aminado siya nga daw ma-surrender man siya apang iya man ini nga natapos.
Ang world record attempt ang ginhimo ni Caigoy kabuylog ang RMN Iloilo kag Robinson’s Place Pavia kag may tinutuyo nga magbulig sa Aleosan District Hospital pinaagi sa paghatag sang tanan nga proceeds nga natipon sa nasambit nga aktibidad.
