Gin-confirm ni Dr. Jane Juanico, head sang Infectious Disease Section sang DOH-6 nga may yara na sang 13 ka corona virus disease positive sa kabug-usan nga Western Visayas matapos nga may nagdugang nga tatlo sa syudad sang Bacolod sa resulta sang last batch sang specimen nga ginpadala sa RITM sang domingo.
Sa interview sang DYHB kay Juanico, sa 44 ka specimen nga ginpadala sa RITM walo (8) ang nagpositibo, apang nadugangan naman ini sang isa (1) ka pasyente nga nag positibo sa ginpatigayon nga nahauna nga batch sang 7 ka specimen nga gin test sa Western Visayas Medical Center sa syudad sang Iloilo.
Ginklaro man sini nga wala sang positive case sa probinsya sang Negros Occidental magluwas sa APAT sa syudad sang Bacolod. Iya man gin confirm nga may isa ka PUI nga napatay ang nagpositibo sa covid-19 sa pito ka PUIs nga napatay sa kabug-usan nga rehiyon.
Dugang ni Juanico nga ang apat ka covid positive sa Bacolod ang yara sa maayo nga kondisyon kag ginapaidalum sa close monitoring kag naka isolate, apang kun matapos ang 14 days nga quarantine apisar nga maayo na ang kondisyon sila ang igapaidalum pa sa repeat test.
