Ya dale bania de agua caliente?

Un detenido ya perde su wicio y ya empesa este dale banya con otro dos detenido de agua caliente adentro del celda del Tetuan Police Station del Sabado por la noche.
Si Roseller Concepcion Alberto, quien ta enfrenta caso de frustrated homicide na corte el ya queda des-esperao na vida y nohay come y nohay dormi por dos noche y dos dia el saca con el electric heater que lleno de agua caliente y ya bacia na cara di Edwin Ramos y Gaco in na ohos di ohos di Bensar Saddang y Aday.
Asegun con el maga pulis durmido ya todo maga detenido pasada alas 9 del noche mientras si Alberto bien dispierto.
Sin saber de todo, ya saca si Alberto con el electric heater que aquel tiempo lleno de agua caliente y ya bacia ya lang con el dos otro detenido.
Porcausa con este, ya disperta todo maga detenido despues ya empesa ya grita-qui-grita canda Ramos y Saddang [por el dolor.
Maga pulis dayun tambien yah ace saparta celda con Alberto para hinde mas queda pa grande el gulo na celda y ya llama tambien sila ambulancia.
Con Saddang nohay mas lleva na hospital despues ya dale conele tratamiento medical mientras con Ramos ya lleva na hospital y yan confined.
Si Alberto ta enfrenta caso del frustrated homicide despues le ya tahya consu uban na construction del Deciembre 25 na mismo construction site na Tetuan.