Yan file ya caso?

14

Ayer asegun maga pulis del Sinunuc Police Station ya somete na fiscalia el maga papeles del filing del caso contra con el un persona quien brutalmente ya mata con el cantinera del un privado escuela del semana pasao.
Na informacion ya recivi el RMN Zamboanga caso de robbery with homicide amo ya recommenda el maga pulis na fiscal contra con el hechor na matansa di Elizabeth Jalon Castillo, 51, anios de edad, separao, ta trabaha na canteen del Turkish High School y residnete de Callejon Drive, Guiwan.
Uno lang el suspecho del familia del victima el possible criminal pero el pulis nohay pa nombra con el suspechao.
Ya precura el RMN Zamboanga saca mas del detalye del filing del caso nohay quien yan atubang na entrevista.
Acordando del semana pasao nuevo lang si Castillo ya llega na canteen del escuela banda alas 5 del aga junto consu nobyo y ya pasa lang cuatro hora ya descubri ya lang muerto conele adentro mismo del canteen y tiene yam aga contusion na cara y tiene tambien hocho lanciada de cutchilyo na cuerpo.
Perdido dayun su nobyo despues del incidente y perdido tambien cuantos maga personal cosas y dinero del victima.
Ta aparese antede ocuri el incidente hinde Bueno el trato del su nobyo con Castillo y pirmi ya estos ta man pelyahan.

Facebook Comments