Yours Truly iFM
April 06, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Mga bestfriends, maayong hapon sa inyo nga tanan.
Nalingaw gid ako mamati sa inyo programa gani naganyat man ako mag-share sang akon problema sa inyo.
Tawga niyo lang ako kay Virgie, may bana kag may lima ka mga kabataan.
Kada tuig na nagabusong ako. Construction worker ang ubra sang akon bana. Mabudlay para sa akon ang mag-budget sang iya kinitaan para sa mga kinahanglanon namon kada adlaw.
Nag-suggest ang akon amiga nga magpa-ligate na ako. Ang problema mga bestfriends kay indi magsugot si Tony nga akon bana. Ang rason niya nga grasya kuno sang Diyos ang mga bata kag ngaa kuno punggan namon ang pagbuot sang kahitaasan.
Ano ang himuon ko mga bestfriends? Kinahanglan ko gid ang inyo advice.
Yours Truly,
Virgie
