Yours Truly iFM
April 22, 2019
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon mga bestfriends!
Ako gali si Ruel, isa ka jeepney driver kag bulag sa asawa.
May isa ako ka anak nga babaye kag nurse na siya subong.
Humalin sang bata pa ang akon anak, ako gid ang nagpadaku kag nabaka-baka pamasada para mapa-eskuwela ko siya hasta nga makatapos kag mangin nurse.
Last year, nagkadto siya kay mama niya sa Manila kag didto siya nagtinir samtang gapang-apply hasta nakalakat siya sa Australia.
Subong nga ara na siya sa abroad, daw wala na gid siya nakadumdom sa akon. Wala man lang siya gapanawag sa akon para kumustahon ang akon sitwasyon.
Ang masakit kay nahibaluan ko nga sige ang padala niya kuwarta kay mama niya kag sa iya pamilya sa Manila. Nagapahimo pa gid kuno siya sang balay didto sa Manila para kay mama niya.
Galain gid ang akon buot.
Ano ang maayo ko nga himuon?
Yours Truly,
Ruel
