Yours Truly iFM
December 14, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon mga bestfriends kag sa tanan nga mga tagpalamati sang inyo istasyon.
Nagpadala ako sang sulat sa inyo kay gusto ko gid mangayo sang advice halin sa inyo.
Ako gali si Inday mga bestfriends.
Ginpa-eskuwela ako sang akon tiya ugaling first year college pa lang ako kag nagbusong. Wala na ako nakapadayon sang akon pag-eskuwela kay naakig ang akon tiya sa akon kag indi na siya magsuporta sang akon kay nadudla gid kuno siya.
Pirmi ako ginabasol sang akon pamilya kay ako lang tani ang ginaasahan nila nga makabulig sa ila pero gin-uyangan ko kuno ang opportunity.
Ga-plano ako subong nga mag-abroad na lang kag mag-ubra bilang domestic helper.
20 years old na ako mga bestfriends kag puwede ko naman mabilin ang akon anak sa akon mga ginikanan.
Maayo bala ang akon plano? Kinahanglan ko gid ang inyo advice.
Yours Truly,
Inday
