Yours Truly iFM
January 10, 2019
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon mga bestfriends!
Ako gali si Juanita kag isa ako ka iloy. Walo ka bilog ang akon mga kabataan kag sa kaluoy sang Diyos, napatapos namon sila eskuwela sang akon bana.
Ang problema ko parte sa akon kinamanghuran nga anak. Nakatapos siya sang nursing pero wala siya nakapasa sa board exam. Grabe gid ang iya depression bisan consistent honor student siya halin sang elementary hasta mag-college.
Nagmasakit gid siya kag sang ginpa-check-up namon, nahibaluan namon nga may ara siya nga first stage cervical cancer. Wala namon ginsugid sa iya ang resulta kay basi madugangan pa gid ang iya depression.
Nagakabalaka gid ako sang iya kondisyon.
Ano ang maayo ko nga himuon?
Yours Truly,
Juanita
