Yours Truly iFM July 23, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon mga bestfriends!
Ako gali si Donna kag may problema ako nga gusto ko gid pangayuan sang advice halin sa inyo.
Ang problema ko mga bestfriends kay nagbulagay kami sang akon bana kay nahibaluan niya nga may kirido ako.
Isa siya ka seaman kag once a year lang siya kung magpanaog sa barko.
Amigo man lang sang akon bana ang akon kirido kag mismo ang akon kirido ang nagsugid sa akon bana sang amon relasyon.
Wala gid nakabalo ang akon mga kabataan sang matuod nga rason kung ngaa nagbulagay kami sang akon bana. Akig sila sa ila amay kay ngaa kuno ginbulagan niya ako.
Ginatublag gid ang akon konsenya mga bestfriends kag gusto ko tani isugid sa akon mga kabataan ang matuud-tuod nga rason kung ngaa ginbulagan ako sang ila amay. Pero nahadlok ako mga bestfriends kay basi isikway ako sang akon mga kabataan.
Ano ang maayo ko nga himuon?
Kinahanglan ko gid ang inyo advice.
Yours Truly,
Donna
