Yours Truly iFM
June 19, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon sa inyo tanan mga bestfriends!
Ako gali si Eda kag nagsulat gid ako sa inyo kay may problema ako parte sa akon stepmother.
Anak ako ni papa sa lain nga babae kay wala sila sang bata sang iya legal nga asawa.
Maayo nga amay si papa kag ginasustentuhan niya ako bisan wala kami gaupod sa sulod sang isa ka panimalay.
68 years old na si papa kag naluoy gid ako sa iya pagbisita ko kay kape lang kag tinapay ang iya panyaga.
Pensiyonado si papa kag wala gid problema sa galastuson. Pero mahjongera ang akon stepmother kag wala niya ginaatipan sang maayo si papa.
Gusto ko gid tani kuhaon si papa kag sa balay na lang maistar para maasikaso ko sang maayo. Apang, indi magsugot ang akon stepmother.
Ano ang maayo ko nga himuon?
Yours Truly,
Eda
