Yours Truly iFM
March 05, 2020
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon sa inyo tanan mga bestfriends!
Nagsulat ako sa inyo kay kinahanglan ko gid ang inyo advice.
Ako gali si Joan sang Mandurriao.
Ang problema ko kay nagdesisyon kami sang akon bana nga magbulaganay na lang kay pirmi lang kami nagainaway kag kung kaisa nagalab-ot na kami sa sakitanay.
May duha kami ka mga kabataan, is aka 10 years old nga babaye kag ang lalaki nagapangidaron sang duha ka tuig.
Ang gusto sang akon bana nga tunga-on namon ang mga kabataan kag gusto niya nga sa iya ang kamagulangan.
Indi gid ako komportable nga sa iya ang bisan isa sa amon mga kabataan kay pirti nga daan sa iya ka palahubog. Nagakabalaka ako nga basi pabay-an niya lang ang amon anak.
Gusto ko nga sa akon ang mga kabataan kag gusto ko nga ako ang maatipan sa ila.
Ano ang maayo ko nga himuon mga bestfriends? Kinahanglan ko gid ang inyo advice.
Yours Truly,
Joan
