Yours Truly iFM
May 08, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon sa inyo kag sa tanan nga tagpalamati sang inyo istasyon.
Nagsulat ako sa inyo kay may problema ako sa akon mga ginikanan. 30 years old na ako mga bestfriends. Pero daw wala gihapon ako sang katungod nga magpili kung ano ang akon gusto himuon sa akon kabuhi.
May stable job na ako mga bestfriends kag nabuligan ko naman nga makatapos sa college ang isa ko manghod.
Ginahagad na ako sang akon boyfriend nga mapakasal. Pero gapamalabag gid ang akon ginikanan kay hamak lang kuno nga janitor sa isa ka opisina ang akon boyfriend. Mabuot kag responsible nga tawo si Rey. Kag palangga gid namon ang isa kag isa.
Ano ang himuon ko mga bestfriends?
Yours Truly,
Jona
