Yours Truly iFM
May 10, 2019
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon mga bestfriends!
Ako gali si Dina, isa ka OFW kag pirmi gid ako nagapamati sa inyo programa paagi sa internet.
Wala gid ako magdahum nga mag-abot ang panahon nga pati ako magpadala sang sulat sa inyo.
Pirti gid kasakit sang akon nabatyagan subong kag daw malupok ang akon dughan sang nahibal-an ko nga may iban nga babaye ang akon bana kag pinabusong niya pa.
Kag ang dugang pa gid sa kasakit nga nabatyagan ko kay ang babaye man lang gali sang akon bana amo man lang akon manghod.
Nangayo man sang pasaylo ang akon bana sa akon pero indi ko gid mapatawad ang ila pag-traidor sa akon.
Ano ang maayo ko nga himuon?
Yours Truly,
Dina
