Yours Truly iFM
May 14, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon sa inyo kag sa tanan nga tagpalamati sang inyo istasyon mga bestfriends!
Ako gali si Terry kag na engganyo man ako mag sulat sa inyo para pangayuan sang advice ang akon problema.
May bana ako kag wala kami sang bata mga bestfriends. Masobra na lima ka tuig kami naga-upod pero daw wala gid suwerte nga makabuo kami.
Kasakit gid sang akon nabatyagan sang na diskubrehan ko nga may bata gali sa iban nga babae ang akon bana. Wala gid nanugid si Roy nga may bata gali siya bag-o pa kami nagpakasal kag sang naganobyahanay pa lang kami. Ginlikom niya ang tanan sa akon.
Ginprangka ko siya mga bestfriends kag gin-ako niya man sa akon ang matuod. Gusto ko siya bulagan kay indi ko mabaton ang iya gin himo sa akon.
Tama bala ang himuon ko?
Yours Truly,
Terry
