Yours Truly iFM
May 30, 2019
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon mga bestfriends!
Ako gali si Anton kag may problema ako nga gusto ko pangayuan sang advice halin sa inyo.
Isa ako single father mga bestfriends pero ang akon anak ara sa iya mother.
Sa subong may girlfriend ako pero wala gid ako nanugid sa iya nga may anak na ako kay basi ma-turn off siya sa akon kag bayaan niya ako.
Ginahagad niya na ako nga mag-settle down na kami pero nabudlayan ako kay gina-obliga ako sang financial support sang nanay sang akon anak, maluwas pa dira ang wala ko pagpabalo sa akon girlfriend sang akon matuud-tuod nga sitwasyon.
Nagalibog ang ulo ko kung ano ang maayo ko nga himuon.
Palangga ko ang akon girlfriend kag indi ko gusto nga madula siya sa akon. Pero palangga ko man ang akon anak kag indi ko gusto talikdan ang akon responsibilidad sa iya.
Ano ang maayo ko nga himuon?
I need your advice.
Yours Truly,
Anton
