Yours Truly iFM
November 21, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon mga bestfriends!
Pirmi gid ako nagapamati sa inyo programa kada adlaw samtang nagapahuway-huway tapos panyaga.
Pareha sang iban, may problema man ako nga gusto ko tani pangayuan sang advice halin sa inyo.
Tagu-a niyo lang ako sa pangalan nga Jimmy kay basi may makakilala sa akon. Pirti nga daan ka sensitibo sang akon problema.
Isa ako ka security guard mga bestfriends, may asawa kag mga kabataan.
May nakarelasyon ako nga asawa sang seaman kag akuon ko nga pirmi kami nagakatabo. Siya pa gani ang pirmi nagapanghagad sa akon kay mas nalipay kuno siya sa akon kumpara sa iya bana.
Ang pinakadaku ko nga problema kay nagbusong siya mga bestfriends. Pero maayo lang kay nasapar namon kag napahulog kay mga isa pa man lang ka bulan.
Na-trauma gid ako kay manugpuli na nga daan ang iya bana sa sunod bulan. Naluoy ako sa iya kag sa iya mga kabataan kung natigayun gid ang iya pagbusong.
Gin-istorya ko siya kag ginprangka nga untaton na namon ang amon relasyon kay indi ko gusto maguba ang mga pamilya namon. Pero indi siya magsugot. Gusto niya kami lang gihapon kag ma-lie low lang kuno kami kung ara na ang iya bana.
Naluoy man ako sa iya kag daw nagaduha-duha man ako nga bulagan siya.
Galibog ang ulo ko kung ano ang himuon ko.
Kinahanglan ko gid ang inyo advice.
Yours Truly,
Jimmy
