Yours Truly iFM
November 26, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Good afternoon mga bestfriends!
Ako gali si Marie, may bana kag isa ka bata.
Sa subong ari na lang ako sa balay kay na-stroke ako kag nabudlayan na ako maglakat.
Ang akon bana may negosyo sa sulod sang merkado.
Ang problema ko parte sa akon bana kag sa amon timbang. Nahibal-an ko nga may relasyon sila nga duha.
Ginkompronta ko ang akon bana kag gin-ako niya sa akon nga may relasyon gid man sila.
Nabatyagan ko nga palangga man ako sang akon bana kag wala niya ako ginapabay-an. Ginahimo niya man ang tanan para nga ma-provide ang akon mga kinahanglanon labi na ang akon mga bulong kag pagpa-rehab.
Naintindihan ko man ang akon bana kung nagpatol siya sa amon timbang kay indi ko mahatag sa iya ang pisikal niya nga kinahanglanon. Pero indi gid malikawan nga maglain ang buot ko.
Nagaka-depress na ako tungod sang akon sitwasyon mga bestfriends.
Ano ang maayo ko nga himuon?
Yours Truly,
Marie
