Yours Truly iFM
October 02, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong mga bestfriends!
Ako gali si Ernesto, 60 years old kag isa na ka balo kag may anom ka mga kabataan.
Puro na may mga pangabuhi ang ang akon mga kabataan mga bestfriends.
Sa subong galibod ako sang isda bilang pangabuhian. Amo man ini ang pangitan-an ko sang-una para isagod sa akon pamilya.
Wala ko man sila napatapos tanan sa pag-eskuwela pero ginbakasan ko gid nga mapakaon sila tanan kag mapabatyag sa ila ang akon pagpalangga bilang amay.
Subong nagaisahanon na lang ako sa balay. Galain gid ang buot ko kay wala gid bisan isa sa akon mga kabataan ang nakadumdom nga mangamusta o magbisita man lang sa akon.
Handom ko man tani nga mag-ululupod kami sang akon mga kabataan.
Ano ang maayo ko nga himuon?
Yours Truly,
Ernesto
