Yours Truly iFM
October 28, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Good afternoon mga bestfriends!
Ako gali si Jean, married kag may tatlo ka mga kabataan.
Seaman ang akon bana mga bestfriends.
Sa subong on-board ang akon bana samtang ako busy naman sa pag-asikaso sang amon mga kabataan.
Matawhay na kuntani ang amon pangabuhi kung kami lang ang ginastuhan sang akon bana. Ang problema kay sa amon pa gid nagasalig ang iya pamilya kay kulang gihapon ang allotment nga ginahatag niya sa iya mga ginikanan.
Kami gihapon ang nagasapar sang ila mga kinahanglanon kung may mga emergencies.
Wala man ako mahimo kay bana ko man mismo ang nagasugo nga hatagan. Naugot lang ako kay paano na lang kami sang amon mga kabataan kung tanan nga kinahanglan sang iya pamilya, kami pa ang ma-provide.
Nabudlayan na gid ako sang amon sitwasyon.
Ano ang maayo ko nga himuon?
Yours Truly,
Jean
