Yours Truly iFM September 09, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Antes ko suguran ang pagsaysay sang akon sulat, gusto ko anay kamo tamyawon sang maayong hapon.
Ako gali si Carol mga bestfriends kag may problema ako parte sa akon bugtong nga anak.
Na-depressed ang akon anak tungod kay nag-break sila sang iya nobyo. Wala siya nagaguwa-guwa sa iya kuwarto. Gakabalaka gid kami sang akon bana gani ginpabulong namon siya kag gin-resetahan man siya sang anti-depressant sang doktor.
Gapakitluoy siya sa akon nga updan ko siya para istoryahon ang iya ex-boyfriend para nga balikan siya.
Naluoy gid ako sa akon anak kag galibog ang ulo ko kung ano ang maayo ko nga himuon.
Kinahanglan ko gid ang inyo advice.
Hulaton ko gid ang inyo advice.
Yours Truly,
Carol
