SYUDAD sang Iloilo – Ginlunsyar sang United States Agency for International Development (USAID) kag Philippine Business for Education (PBEd) ang youth employability project nga YouthWorks PH sa Jubilee hall sa syudad sang Iloilo.
Gintambungan ini sang halos 500 ka pamatan-0n.
Nagahatag ang YouthWorks PH sang libre nga technical-vocational education kag skills training sa mga pamatan-on nga Not in Employment, Education or Training ukon (NEET) sa edad nga 18-24 anyos.
May ginpahamtang nga mga life skills seminar kag interactive booths kun sa diin ang mga participants nakakuha sang mga tips kun paano madali nga makasulod sa trabaho kag pag-umpisa sang careers.
Ang mga eligible nga mga NEET youths nagsign up man para sa technical training opportunities nga igatanyag sang proyekto sa palaabuton nga bulan.
Suno kay Jona Lai, Deputy Director sang USAID Philippines Office of Education sa ti-on sang programa target sang Youth PH nga makahanas sang masobra sa 5000 ka pamatan-on sa syudad sang Iloilo paagi sa short-term learning sessions kag work-based training opportunities kun sa diin magabaton sila sang in-school kag in-company training//via Joel Franco reports
