Sarangani Province—Mapasalamaton karon ang mga kabataan sa probinsya sa Sarangani tungod sa pagpursigi sa lokal nga gobyerno nga mahatag kanila ang maayong programa para sa youth empowerment og cultural development.
Segun ni Jharvie Dwayne Molana, SK official sa lungsod sa Malapatan og usa ka pure-blooded Blaan, nabatyagan niya matud pa nga sinsiro ang LGU sa pagpanguna ni Governor Steve Chiongbian Solon nga ilhon og dasigon pa ang mga kabataan sa unsa mang relihiyon og tribo nga mahimo nga lig-ong partner sa kalinaw og kalambuan sa probinsya.
Usa lang si Molana sa mga kabataan sa entiro Mindanao nga nakaapil sa bag-uhay lang nahuman nga tulo (3) ka adlaw nga Youth Orientation: Mindanao Governance for the Youth natigayon sulod mismo sa Kasfala Hall sa Kapitolyo sa Sarangani. Ang mga partisipante gawas sa Sarangani Province og Gensan ang naggikan pa sa Lanao del Sur, Lanao del Norte, Maguindanao, Cotabato City, Davao Occidental og apil pa ang Marawi City. Sila mga kabataan gikan sa Tri-People nga mao ang Kristyano, Muslim og Lumad.
