Sa pila na ka adlaw nga sigeng uwan dili na ikatinga nga naay landslide o pagdahili sa yuta nga mahitabo diri sa Sugbo. Adtong mga miaging adlaw lang naa gane gyu’y nakalas sa dihang midahili ang yuta sa may bukirang bahin sa Capitol Site, Cebu City.
Sa gi-share nga fb post sa usa ka Mark Yong nga suma pa sa iyang higala nga ginganlan og Oniel Natividad nga maoy photo owner nga ang mao ni ang sitwasyon sa Busay intersection to Temple of Leah kaganihang buntag. Kini nga lugar usa ni sa nabantog nga laaganan sa mga turista gikan Manila ug apil pud ang mga foreign tourists. Buot pasabot dili ni safe nga agian sa pagkakaron.
Gipahimangnoan pud ang publiko sa Cebu City Disaster Risk Reduction and Emergency Management ang mga lumupyo sa maong lugar nga magbinantayon. Apil napud ang uban pang mga flood or landslide prone areas nga mosumbong dayon sa otoridad kung naay susamang insidente.
Kung naay mga katagman o susama nga mga insidente tawag lang sa hotline sa Cebu City Disaster Risk Reduction and Emergency Management nga (032) 255-0046.
Amping ta kanunay mga Sugboanon!
