Tungod sa hugot nga pakigbatok sa guinadiling droga sa administrasyong Duterte, padayon usab ang operasyon sa kapulisan dinhi sa Zamboanga del norte sa pagpanguna ni OIC Provincial Director PSSUPT Raul M. Tacaca.
Kini karon ang gihatagan ug dakong pagtagad sa mga tinugyanan sa balaod human gibalik ni Pangulong Duterte ang Oplan Tokhang ngadto PNP.
Dili lang kay mga kapulisan ang naning kamot niini kundili lakip na usab ang mga lokal nga opisyal dinhi sa atong probinsya aron hingpit nga ma drug clear ang Zamboanga del norte.
Dili palang dugay gipahigayon sa kapulisan ang Seminar on Barangay Drug Clearing Operations nga inisyatibo sa Zamboanga del norte Police Provincial Office 9, dinhi sa Dipolog City Sports Complex uban sa mga tag-as nga opisyal ug mga local chief executive.
Gibutyag pa ni Provincial head information Praxides Rubia nga tanang mayor sa kalungsuran ang gidapit apan dili tanang mayor ang mitambong sa maong panagtigom.
Anaa usab ang tanang ABC president, mga hepe sa kalungsuran dinhi sa tibuok probinsya ug Chairman sa Municipal Anti Drug Abuse Council (MADAC) sa nagkadaiyang lungsod, samtang ang Barangay Anti Drug Abuse Council (BADAC) walay labot sa maong Seminar.
Dugang butyag pa ni Praxi Rubia nga ang maong seminar naghisgot kini sa status sa drug problem ug lakip usab nga gihisgutan ang performance sa mga kapulisan sa pag-ila nila sa mga drug personalities.
Gitagaan pud ug pagtagad ang problema sa reporting sama sa drug rehabilitation activities ug mga biktima sa droga.
