Pagadian City – Dako ang kahigayunan nga ipailalom sa State of Calamity ang tibook probinsya sa Zamboanga del Sur gumikan padayong pagsaka sa kaso sa Dengue diin dul-an 3000 ka inbidwal na ang nataptan sa ug 21 ang nakabsan.
Sa impormasyon nga gitunol ni Dahlia Aseniero, ang Technical Division chief sa Provincial Health Office, nakatunol na sila sa ulahing datos ngadto sa kagamhanang probinsyal nga maoy mamahimong basehan sa posibleng lakang kun angayan ba nga ideklara ang State of Calamity.
Aminado ang DOH-Zamboanga del Sur nga maka-alarma na ang pagsaka sa ihap sa pasyente nga nataptan sa Dengue busa hugtanon ang ilang awhag sa publiko ilabina ngadto sa mga opesyal sa Barangay nga motamud sa kampanya nga “Aksyon Brangay Kontra Dengue”.
Hinoon ang kalungsuran sub-sub nga nituman sa kampanya sa departamento nga ipatuman ang ‘Enhanced 4S” strategy kun search and destroy breeding sites; seek early consultation; self-protection; ug say ‘yes’ to fogging sa hotspot areas.
