Wala sang may na-record nga bag-o nga kaso sang coronavirus disease (COVID-19) ang ciudad sang Bacolod sang Christmas eve.
Suno kay City Administrator, Em Ang, executive director sang Bacolod City Emergency Operations Center (EOC), naka record man ang ciudad sang pinaka-nubo nga health care facility utilization nga nagdangat gid lamang sa 17 porsiento.
Samtang may nabilin na lamang sa karon nga 70 ka aktibo nga kaso sang COVID-19 sa ciudad sang Bacolod as of December 24.
Angut sini, ginpahayag ni Ang nga kon sundon gid lamang sang pumuluyo ang ginapatuman nga minimum health standards partikular ang pagsuksok sang face mask, paghugas sang kamot kag physical distancing, indi malayo nga magaangkon sang katumanan ang aton handum nga mangin COVID-free ang 2021.
[image: image.png]
