Gilusad sa kagamhanang lokal ning syudad pinaagi sa City Local Environment and Natural Resources Office (Clenro) ang ‘Zero Waste Refilling Kiosk’.
Kini atol na sa kasaulogan sa Earth Day karong adlawa. Nahimutang ang nasangpit nga kiosk sa Barangay Canitoan ning syudad uban sa pag-abag sa Happy Earth Store.
Gipasabot ni Mr. Alejo Salvani sa Clenro nga tuyo sa maong refilling kiosk nga makunhoran ang basura sa pagpalit sa mga basic commodities sama sa toyo, suka, cooking oil, asin, asukar ug daghan pa pinaagi sa pagdala sa kaugalingon sudlanan.
Kahinumdoman nga mao kini ang paagi sa pagpalit sa dugay nang katuigan diin mas gamay ang kahigayonan sa pag-generate og basura.
Ang CAFAMCO, usa ka grupo sa mga mag-uuma sa Canitoan, ang unang beneficiary sa Zero Waste Refilling Kiosk ug laumang daghan pa ang mahimong mosunod sa maong inisyatiba.
Source/PC: Cagayan de Oro City Philippines
Facebook Comments
