𝗖𝗢𝗠𝗘𝗟𝗘𝗖 𝗖𝗔𝗨𝗔𝗬𝗔𝗡, 𝗣𝗔𝗧𝗨𝗟𝗢𝗬 𝗡𝗔 𝗠𝗔𝗚𝗦𝗔𝗦𝗔𝗚𝗔𝗪𝗔 𝗡𝗚 𝗦𝗔𝗧𝗘𝗟𝗟𝗜𝗧𝗘 𝗥𝗘𝗚𝗜𝗦𝗧𝗥𝗔𝗧𝗜𝗢𝗡 𝗦𝗔 𝗟𝗨𝗡𝗚𝗦𝗢𝗗

‎
‎Cauayan City – Inilabas na ng COMELEC Cauayan ang mga lugar kung saan isasagawa ang Satellite Registration para sa buwan ng Pebrero.
‎
‎Kabilang sa mga lugar ang Brgy. Maligaya kung saan gaganapin ito sa kanilang Community Center sa ika-3 ng Pebrero, Brgy. Andarayan, Bugallon, at Union naman sa ika-4 na gaganapin sa Union Community Center, sa ika-5 naman ang Brgy. Turayong na gagawin sa Cauayan City National High School – Main Campus, habang sa ika-10 naman sa Mabantad Community Center.
‎
‎Maliban dito, magiging venue rin ng satellite registration ang Carabatan Grande sa ika-12 ng Pebrero, sa Cabaruan Community Center naman sa ika-16, District 1 naman ang may schedule sa ika-19 ng Pebrero, at sa ika-26 naman ang Brgy. Sillawit.
‎
‎May itinakdang araw din para magparehistro ang mga Persons with Disabilities (PWDs) sa ika-24 ng Pebrero.
‎
‎Ayon kay Election Officer Atty. Johanna Vallejo, magtatagal ang kanilang aktibidad hanggang ika-18 ng Mayo ngayong taon.
‎
‎Layunin ng satellite registration na mailapit sa mga kababayang nasa malayong lugar ang pagpaparehistro upang sila’y makaboto sa nalalapit na Barangay and SK Election.
‎
‎Bukas naman ang opisina ng COMELEC Cauayan mula Lunes hanggang Sabado mula alas-8 ng umaga hanggang alas-5 ng hapon.

—————————————
‎
‎Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.
‎
‎#985ifmcauayan
‎#idol
‎#numberone
‎#ifmnewscauayan