𝗟𝗜𝗕𝗥𝗘𝗡𝗚 𝗕𝗜𝗥𝗧𝗛 𝗔𝗧 𝗠𝗔𝗥𝗥𝗜𝗔𝗚𝗘 𝗖𝗘𝗥𝗧𝗜𝗙𝗜𝗖𝗔𝗧𝗘 𝗣𝗔𝗥𝗔 𝗦𝗔 𝗞𝗔𝗕𝗔𝗕𝗔𝗜𝗛𝗔𝗡 𝗧𝗨𝗪𝗜𝗡𝗚 𝗟𝗨𝗡𝗘𝗦 𝗡𝗚 𝗠𝗔𝗥𝗦𝗢 𝟮𝟬𝟮𝟲

Cauayan City – Bilang bahagi ng pagdiriwang ng National Women’s Month 2026, nag-anunsyo ang Philippine Statistics Authority (PSA) na magbibigay ito ng libreng kopya ng birth certificate o marriage certificate para sa mga babaeng kliyente.

Ayon sa PSA, maaaring makakuha ng libreng dokumento tuwing Lunes ng buwan ng Marso 2026 sa mga Civil Registry System (CRS) outlets. Layunin ng programa na kilalanin at suportahan ang mga kababaihan sa pamamagitan ng pagbibigay ng mas madaling access sa mahahalagang civil documents.

Kinakailangan lamang na magdala ng isang valid ID upang makapag-avail ng libreng serbisyo.

Gayunman, nilinaw ng PSA na limitado lamang ang libreng issuance at ito ay nakadepende sa kapasidad at pagpapasya ng bawat CRS outlet.

Hinihikayat ng ahensya ang mga kababaihan na samantalahin ang programang ito bilang bahagi ng pagdiriwang ng National Women’s Month, na nagbibigay-pugay sa mahalagang papel ng kababaihan sa lipunan.