Cauayan City – Kasing init ng panahon ang ginawang pagsalubong ng mga ISUdyantes sa opisyal na pagbubukas ng Academic Year 2024-2025 sa Isabela State University Cauayan Campus.
Suut-suot ang iba’t-ibang kulay ng damit, ibinandera ng libu-libong mga estudyante ang kani-kanilang mga departamento.
Iba’t-ibang performances ang natunghayan ng mga estudyante, habang tampok rin ang mga booths ng bawat colleges sa Grand Kick-Off program ng Academic Year 2024-2025.
Samantala, sa naging mensahe ni ISU Cauayan Campus Executive Officer Precila C. Delima, ang programang ito ay hudyat ng pagsisimula at simbolo ng panibagong yugto ng pag-aaral at karanasan para sa mas pag-unlad ng bawat isang estudyante ng ISU Cauayan.
Dumalo rin sa programa ang mga City Officials sa lungsod ng Cauayan na pinamumunuan ni Cauayan City Mayor Hon. Jaycee Dy, Vice Mayor Leoncio “Bong” Dalin, at mga Sangguniang Panlungsod members.
