CAUAYAN CITY — TIMBOG ANG DALAWANG KALALAKIHAN MATAPOS NA MAHARANG AT MAHULIHAN NG MGA SMUGGLED NA SIGARILYO SA NAKALATAG NA CHECKOINT SA BRGY. TACTAC, STA. FE, NUEVA VIZCAYA, KAHAPON, IKA-13 NG NOBYEMBRE.
AYON SA AYON SA ULAT NG POLICE REGIONAL OFFICE 2, ANG MGA SMUGGLED CIGARETTES AY TINATAYANG NAGKAKAHALAGA NG ₱114,000.
KINILALA NAMAN ANG NAHULING SUSPEK NA SINA ALYAS “POPOY,” 25, AT “JOJO,” 41, KAPWA RESIDENTE NG SAN JOSE CITY, NUEVA ECIJA.
NASABAT SA KANILANG MGA TRICYCLE ANG MGA KARTONG MAY TATAK NA RGD, MODERN, AT TWO MOON NA NAGLALAMAN NG MGA ILEGAL NA SIGARILYO. LUMALABAS DIN NA NAKAPAGBENTA NA UMANO SILA NG KONTRABANDO SA ILANG TINDAHAN SA NUEVA ECIJA BAGO TUMULAK PATUNGONG SOLANO, NUEVA VIZCAYA.
KASULUKUYANG NASA KUSTODIYA NG STA. FE POLICE STATION ANG MGA SUSPEK AT MGA EBIDENSYA PARA SA KARAGDAGANG IMBESTIGASYON AT PAGSASAMPA NG KAUKULANG KASO.
