Gidayeg ni Police Regional Director 12 Police Brig. Gen. Michael John Dubria, ang operatiba gikan sa Regional ngadto na sa Municipal Level inabagan sa uban pang ahensya human sa malampusong gipahigayong Simultaneous Anti-Criminality Law Enforcement Operation sukad niadtong Oktubre 16 ngadto na petsa 22 karon nga tuig.
Sa maong oerasyon mokabat sa 130 ka mga indibidwal ang naaresto. Sa maong ihap 46 ang gikonsiderang most wanted persons, 30 ang lambigit sa illegal Drugs, 50 ang arestado sa Illegal Gambling, ug upat ang nadakpan gumikan sa Illegal possession of firearms.
Tulo usab ang patay sa police operation human misukol sa operatiba sa kapulisan.
Samtang mokabat sa 62 ka sachets sa gituohang shabu ang nakumpiska nga adunay gibug-aton nga halos 12 gamos nga may market value nga P92,045.00. samtang nakarecover usab sila ug siyam ka pakete sa Marijuana nga may timbang nga 16.715 gramos kansa ginaba-banaang moabot sa P7,740.00.
Mokabat usab sa unom ka units sa assorted low-powered ug high-powered firearms, 21 ammunition ug duha ka eksplosibo ang narekober. P8, 552.00 usab ang bet money nga nakuha sa illegal gambling operations.
Ang mga naaresto nga mga indibidwal ug nakumpiskar nga mga items ang anaa karon sa kustodiya sa mga police stations.
