𝗖𝗢𝗠𝗠𝗨𝗡𝗜𝗧𝗬 𝗢𝗨𝗧𝗥𝗘𝗔𝗖𝗛 𝗣𝗥𝗢𝗚𝗥𝗔𝗠, 𝗜𝗦𝗜𝗡𝗔𝗚𝗔𝗪𝗔 𝗡𝗚 𝗡𝗩𝗣𝗣𝗢

CAUAYAN CITY – Pinangunahan ni PCOL Camlon P. Nasdoman, Provincial Director ng Nueva Vizcaya Police Provincial Office, ang Community Outreach Program na isinagawa kahapon, ika-1 ng Hunyo, sa Brgy. Lublub, Alfonso Castañeda, Nueva Vizcaya.

Umabot naman sa 480 PNP dependents at constituents ang naging benepisyaryo ng naturang programa.

Nagpaabot din ang kapulisan ng serbisyo katulad ng Medical at dental Check-up, bunot ng ngipin, libreng gupit at tuli.

Bukod sa mga ito, mayroon ding pagbibigay ng mga school supplies, tsinelas, feeding, at libreng ice cream.

Nagkaroon din ng pag-aaral tungkol sa Gender-Based Violence at Buhay Ingatan, Droga’y Ayawan (BIDA).