𝗗𝗔𝗚𝗨𝗣𝗔𝗡 𝗖𝗜𝗧𝗬 𝗔𝗧𝗛𝗟𝗘𝗧𝗜𝗖 𝗔𝗦𝗦𝗢𝗖𝗜𝗔𝗧𝗜𝗢𝗡 𝗦𝗣𝗢𝗥𝗧𝗦 𝗠𝗘𝗘𝗧 𝟮𝗢𝟮𝟰, 𝗣𝗢𝗥𝗠𝗔𝗟 𝗡𝗔𝗡𝗚 𝗕𝗜𝗡𝗨𝗞𝗦𝗔𝗡

Pormal nang pinasinayaan ngayong araw ang Dagupan City Athletic Association (DCAA) Meet 2024 na may temang Beyond Unity, sa ginanap na opening program nito sa Dagupan City People’s Astrodome.

Ang naturang kaganapan ay dinaluhan ng mga mag-aaral at mga coaches mula sa iba’t-ibang distrito ng lungsod, kung saan sila’y magtatagisan ng galing at diskarte sa iba’t-ibang sport events, tulad na lamang ng mga ball games, board games, martial arts, athletics, swimming at marami pang iba.

Inaasahan din sa naturang sports meet, ang special feature nito na pre-qualifying competition for individual sports events.

Ang DCAA 2024 ay sasala ng mga potensyal na manlalaro o mga grupo sa bawat sports events na kanilang sasabak sa R1AA na gaganapin sa lungsod ng Laoag, Ilocos Norte, sa unang linggo ng Abril. |𝙞𝙛𝙢𝙣𝙚𝙬𝙨