Cauayan City – Binuksan na ng Department of Agriculture (DA) at Bureau of Fisheries and Aquatic Resources (BFAR) ang kauna-unahang Municipal Tilapia Hatchery sa Barangay Raele, Munisipalidad ng Itbayat, Batanes.
Ang inisyatibang ito ay naglalayon upang maparami at magkaroon ng tilapia fingerlings, nang sa gayon ay masuportahan ang mga mangingisda sa rehiyon.
Mayroong breeding, nursery treatment at conditioning ponds, nilagyan rin ng water system na mahalaga para sa operasyon ng hatchery.
Ang naturang pasilidad ay inaasahang makagawa ng 300-500 piraso ng tilapia fingerlings taun-taon.
Ang produksiyon na ito ay tutugon sa mga pangangailangan hindi lamang ng munisipyo ng isla kundi ng buong lalawigan, na tutulong dito na maging malaya sa mga tuntunin ng supply ng tilapia fingerlings.
Namigay rin ang ahensya ng mga kagamitan tulad ng fish cages at ilang essential fishing gear.
