Dead on arrival sa pagamutan ang 58 anyos na mangingisda na si Mario Quinto mula Brgy. Lucao, Dagupan City matapos bumangga sa isa pang motorsiklo na papunta namang Binmaley.
Lumalabas sa imbestigasyon ng awtoridad na madaling araw nang binabaybay ng dalawang motor na may magkasalungat na direksyon ang kahabaan ng Brgy. Lucao, Dagupan City nang bigla na lang kinain ng motor na minamaneho ni Quinto ang linya na tinatahak ni Anthony Bancod at backride nitong si Michael Daysa.
Parehong nakasuot ng protective helmet sina Bancod at Daysa samantalang wala namang suot si Quinto.
Nagtamo ng sugat sa iba’t-ibang bahagi ng katawan ang dalawa samantalang binawian na ng buhay nang dumating sa pagamutan si Quinto.
Kasalukuyang inihahanda ang kaso na kakaharapin ng driver ng isa pang motorsiklong sangkot sa insidente. |𝙞𝙛𝙢𝙣𝙚𝙬𝙨
