Maga pulis del Tetuan Police Station ya confisca shabu balor de 1.2 miliones de peso desde con el man maridable durante el buy-bust operation ya conduci na Sitio Bugok, na Kasanyangan enantes madrogada.
Con el maridable ya conose como canda Prince Valliant Garcia y Timbayan, 29 y su esposa si Aiza Garcia y Adjimi, 28. ta queda na Bugok Phase 1, Kasanyangan.
El buy-bust ya conduci banda alas 2:40 de aga y ya resulta na aresto del maridable.
El maga pulis ya recobri desde na diila posesion total de siete paquete de shabu y el P500 marked money.
Asegun el maga confiscao shabu ya alcansa el balor de P*1, 272,500.*
*Con el man maridable ya detene na estacion del Tetuan mientras el maga confiscao shabu ya entrega na PNP Crime Laboratory.*
Facebook Comments
